Իսրայելի պաշտպանության բանակի ռազմական հետախուզության վարչության ղեկավար Ահարոն Հալիվան հրաժարական է տվել, հայտնում է Reuters-ը՝ վկայակոչելով իսրայելցի զինվորականների՝ ապրիլի 22-ի առավոտյան տարածած հայտարարությունը։
Ահարոն Հալիվան 2023 թվականին ստանձնեց հոկտեմբերի 7-ին Իսրայելի վրա ՀԱՄԱՍ-ի ահաբեկչությունը կանխելու զինվորականների ձախողման պատասխանատվությունը: «Մենք ձախողեցինք մեր ամենակարևոր առաքելությունը, և ես՝ որպես ռազմական հետախուզության ղեկավար, կրում եմ ձախողման ողջ պատասխանատվությունը», - ասել էր նա:
Հոկտեմբերի 7-ի ձախողման պատասխանատվությունն իր վրա է վերցրել նաև Իսրայելի անվտանգության գլխավոր ծառայության՝ «Շին Բեթի» ղեկավար Ռոնեն Բարը։ Սպասվում է, որ նա կհեռանա պաշտոնից պաղեստինա-իսրայելական հակամարտության ավարտից հետո։
Ահաբեկիչները հարձակվեցին Իսրայելի վրա 2023 թվականի հոկտեմբերի 7-ին, սպանելով 1200 մարդու, հիմնականում խաղաղ բնակիչների, և գերեվարեցին մոտ 240-ին: Ի պատասխան, Իսրայելի պաշտպանության ուժերը սկսեցին մարտերը Գազայի հատվածում: ՀԱՄԱՍ-ի կողմից վերահսկվող առողջապահության նախարարության տվյալներով, Գազայի հատվածում ավելի քան 34 հազար մարդ է զոհվել։
