Իսրայելի պաշտպանության ուժերի (IDF) շտաբի պետ, գեներալ-լեյտենանտ Հերզի Հալևին ասել է, որ ՀԱՄԱՍ ահաբեկչական խմբավորումը «փոշմանել է» Իսրայելի դեմ պատերազմ սկսելու համար և խոստովանել է, որ ցամաքային հարձակումը հետաձգվում է «ռազմավարական պատճառներով»։
«Իսրայելը գտնվում է ՀԱՄԱՍ ահաբեկչական խմբավորման կողմից մղվող պատերազմի մեջ։ Նա արդեն զղջում է դրա համար»,- ասել է նա Գազայի հատվածի հետ սահմանի մոտ կայացած մամուլի ասուլիսում։
«Մենք պատրաստվել ենք դրան։ Իսրայելի պաշտպանության բանակը և Հարավային հրամանատարությունը պատրաստել են որակյալ հարձակողական պլաններ՝ պատերազմի նպատակներին հասնելու համար: Իսրայելի պաշտպանության բանակը պատրաստ է (ցամաքային) մանևրի, և մենք քաղաքական էշելոնի հետ միասին կորոշենք հաջորդ փուլի ձևն ու ժամկետը»,- հավելել է Հալևին։
Նա ասել է, որ ցամաքային հարձակման հետաձգումը պայմանավորված է «մարտավարական և նույնիսկ ռազմավարական նկատառումներով», սակայն դրանք թույլ են տվել Իսրայելի պաշտպանության բանակին ավելի լավ պատրաստված լինել:
«Մենք օգտագործում ենք յուրաքանչյուր րոպեն ավելի պատրաստված լինելու համար: Եվ ամեն րոպե, որ անցնում է մյուս կողմից, մենք էլ ավելի շատ հարվածներ ենք հասցնում թշնամուն»,-ասել է նա:
«Մենք սպանում ենք ահաբեկիչներին, ոչնչացնում ենք ենթակառուցվածքները, ավելի շատ հետախուզական տվյալներ ենք հավաքում հաջորդ փուլի համար»,- ընդգծել է Հալեւին:
