Իսրայելի զինվորականները Գազայի հատվածում վերջին 24 ժամվա ընթացքում սպանել են մոտ 45 զինված պաղեստինցի արմատականների։ Այս մասին հայտնում է բանակի մամուլի ծառայությունը։
Դրա տվյալներով՝ անկլավի կենտրոնական հատվածում մերձամարտի և ավիահարվածների արդյունքում սպանվել է մոտ 20 արմատական, ևս 25 զինված պաղեստինցի սպանվել է անկլավի հարավում գտնվող Ռաֆահ քաղաքի մոտ իրականացված գրոհների ժամանակ։
Ի թիվս այլ բաների՝ ոչնչացվել է պաղեստինյան արմատական ՀԱՄԱՍ շարժման ռազմական թևի հրամանատարներից մեկը՝ Մոհամմեդ Մահասնեն, հայտնել են բանակում։
