Իսպանիայի վարչապետ Պեդրո Սանչեսը Իրանին ուղղված ԱՄՆ հարվածներն ««անհիմն» և «վտանգավոր» ռազմական ներխուժում է անվանել, հաղորդում է Associated Press-ը։
Իսպանիայի պաշտպանության նախարար Մարգարիտա Ռոբլեսը հայտարարել է, որ երկրի հարավում տեղակայված Ռոտա և Մորոն բազաները, որոնք համատեղ օգտագործվում են ԱՄՆ-ի հետ, «ոչ մի օգնություն չեն ցուցաբերել, բացարձակապես ոչ մի»։ Նա հավելել է, որ չնայած ԱՄՆ-ի հետ կա համաձայնագիր բազաների համատեղ օգտագործման վերաբերյալ, գործողությունները պետք է համապատասխանեն միջազգային իրավական շրջանակին և ստանան միջազգային հանրության աջակցությունը։ «ԱՄՆ-ը և Իսրայելը գործել են միակողմանիորեն՝ առանց միջազգային բանաձևի աջակցության»,- ընդգծել է Ռոբլեսը։
FlightRadar24-ի տվյալները ցույց են տվել, որ հարձակումներից հետո Իսպանիայի բազաներից մեկնել են մի քանի ամերիկյան ռազմական ինքնաթիռներ, դրանց թվում՝ ինը լիցքավորող նավեր, որոնք ուղևորվում էին դեպի Գերմանիա։
Իսպանիան մնում է ԵՄ միակ խոշոր երկիրը, որը բացահայտորեն դատապարտում է Իրանին ուղղված ԱՄՆ-ի և Իսրայելի հարվածները, միաժամանակ աջակցություն հայտնելով Իրանի ժողովրդին և հակամարտության դիվանագիտական լուծման կոչ անելով։
