Իսլամական հեղափոխության պահապանների կորպուսի հրամանատար, գեներալ-մայոր Հոսեյն Սալամին ասել է, որ «Իրանի դեմ ԱՄՆ-ին ուղղված նրանց ոչ մի սպառնալիք անպատասխան չի մնա, թեև Իսլամական Հանրապետությունը պատերազմի չի ձգտում», հաղորդում է Tasnim-ը։
«Դուք արդեն փորձարկել եք մեզ։ Մեր և ձեր (Իրանի և ԱՄՆ-ի) միջեւ ընդհանուրն այն է, որ մենք ճանաչում ենք միմյանց»,- ասել է նա չորեքշաբթի մամուլի ասուլիսի ժամանակ։ «Մենք թույլ չենք տա, որ որևէ սպառնալիք մնա անպատասխան: Մենք պատերազմ չենք փնտրում, բայց պատերազմից էլ չենք վախենում: Սա մեր հասարակության մեջ գերիշխող փաստ է»։
Իրանի Իսլամական հեղափոխության պահապանների կորպուսի հրամանատարը նաև նշել է, որ Իսրայելը «միանշանակ կպարտվի Գազայի վրա հարձակման ժամանակ, քանի որ Իսրայելը չի կարողանա մի փոքր հողակտոր պահել ամիսներ շարունակվող պատերազմից հետո»:
Ավելի վաղ հայտնի էր դարձել Հորդանանում ամերիկյան ռազմաբազայի վրա անօդաչու թռչող սարքի հարձակման մասին։ Հարձակման արդյունքում երեք ամերիկացի զինվոր է զոհվել, մոտ 40-ը վիրավորվել։ ԱՄՆ-ն Իրանին մեղադրել է միջադեպին ներգրավվածության մեջ՝ խոստանալով կոշտ արձագանք։
