Իրանի ՊՆ-ի հայտարարության համաձայն՝ Պարսից ծոցի գոտում ռազմական գործողությունները փորձադաշտ են դարձել Իրանի պաշտպանական արդյունաբերության համար և հաստատել են Իսլամական Հանրապետության սեփական ռեսուրսներն արդյունավետ օգտագործելու անհրաժեշտությունը։
«Վերջին ժամանակների պատերազմները երկրի պաշտպանական կարողությունների իրական փորձադաշտեր են դարձել»,– նշվում է Իրանի պաշտպանության նախարարության՝ օգոստոսի 21-ին Իրանում նշվող Պաշտպանական արդյունաբերության օրվա առիթով հրապարակված հայտարարության մեջ։
Փաստաթղթում ընդգծվում է, որ «յուրաքանչյուր նոր ճնշում կամ պատժամիջոց ընդգծել է ներքին ռեսուրսների վրա հենվելու անհրաժեշտությունը, իսկ յուրաքանչյուր ոլորտ նոր հնարավորություններ է բացել երկրի մասնագետների համար»։
«Այն, ինչ տարիներ շարունակ ստեղծվել և մշակվել է պաշտպանական արդյունաբերության ոլորտում իրանցի մասնագետների գիտելիքների ու ջանքերի շնորհիվ, գործնականում կիրառվել է և, Իրանի բանակի կարողությունների հետ մեկտեղ, ձախողել է հակառակորդների ծրագրերի ու նպատակների զգալի մասը՝ նրանց շոկի մեջ գցելով»,– նշել են նախարարությունում։
