Իրանը շատ մոտ է միջուկային զենքի ստեղծմանը: Այդ մասին հայտարարել է ԱՄՆ-ի էներգետիկայի նախարար Քրիս Ռայթը։
«Վախենալու աստիճան մոտ է։ Ընդամենը մի քանի շաբաթ է մնացել ուրանի հարստացումից մինչև զենքի համար նախատեսված որակ», - ասել է Ռայթը Սենատի զինված ուժերի հանձնաժողովի լսումների ժամանակ։
Նա նշել է, որ հարստացման մակարդակը հասնում է 60%-ի։
Փորձագետների կարծիքով, ուրանը մինչև 90% հարստացնելը նշանակում է, որ այն կարելի է օգտագործել միջուկային զենք ստեղծելու համար։
Դեմոկրատ սենատոր Ռիչարդ Բլյումենտալի հարցին, թե արդյոք նախագահ Դոնալդ Թրամփը ստիպված կլինի բռնագրավել Իրանում ուրանի բոլոր պաշարները՝ հարստացումը դադարեցնելու համար, Ռայթը պատասխանել է. «Կարծում եմ՝ դա իմաստուն ռազմավարություն է»։
«Վերջնական նպատակը ուրանի հետագա հարստացումը կանխելն է։ Որպեսզի աշխարհը անվտանգ լինի, մենք պետք է վերջ դնենք նրանց միջուկային ծրագրին», - ընդգծել է նա։
