Իրանի Իսլամական Հանրապետության մշտական ներկայացուցչությունը ՄԱԿ-ում հանդես է եկել պաշտոնական հայտարարությամբ՝ կապված տարածաշրջանի ռազմավարական ջրերում նավագնացության իրավական կարգավիճակի և անվտանգության հետ։ Թեհրանը Վաշինգտոնի վրա է դնում ամբողջ պատասխանատվությունը ծովային ուղիների ցանկացած ապակայունացման հնարավոր հետևանքների համար։ Հաղորդում է ԻՌՆԱ-ն:
Իրանական առաքելության հայտարարությունում ընդգծվում են միջազգային իրավունքի և ազգային անվտանգության հիմնական ասպեկտները․
Իրանը հիշեցրել է, որ չի հանդիսանում 1982 թվականի ՄԱԿ-ի Ծովային իրավունքի կոնվենցիայի մասնակից։ Սա Թեհրանին տալիս է իրավունք՝ առաջնորդվելու իր սեփական օրենքներով և նորմերով իր տարածքային ջրերի վերաբերյալ։
Լինելով հիմնական ափամերձ երկիրը, որի տարածքային ջրերում գտնվում է Հորմուզի նեղուցը, Իրանը հայտարարում է իր «օրինական և լեգիտիմ իրավունքի» մասին՝ ձեռնարկելու բոլոր անհրաժեշտ միջոցները առաջացող սպառնալիքներից պաշտպանվելու համար։
Իրանցի դիվանագետները ուղղակիորեն մատնանշել են տարածաշրջանում լարվածության աղբյուրը․ «Պարսից ծոցում և Հորմուզի նեղուցում ծովային փոխադրումների ցանկացած խափանում, ինչպես նաև դրանց հետևանքները, ամբողջությամբ ընկնում են Միացյալ Նահանգների վրա»։
Իրանի ներկայացուցչությունը նշել է, որ Թեհրանի գործողությունները ուղղված են՝
քաղաքացիական նավերի համար անվտանգ նավագնացության երաշխավորմանը,
տարածաշրջանում առաջացող նոր անվտանգության սպառնալիքներին հակազդելուն,
և արտաքին ուժերի կողմից նեղուցի օգտագործումը թշնամական կամ ռազմական նպատակներով կանխելուն։
