Ամերիկյան ռազմական անօդաչու թռչող սարքերը հարձակվել են Հորմուզի նեղուցում գտնվող Լարակ կղզու վրա, հաղորդում է իրանական Tasnim լրատվական գործակալությունը։
«Առնվազն երկու մարդ զոհվել է, ևս երկուսը՝ վիրավորվել», – ասվում է հայտարարության մեջ։
Ամերիկյան Axios պորտալի լրագրողի խոսքով՝ հարվածները, ենթադրաբար, ուղղված էին այն կայանքներին, որոնցից ԻՀՊԿ-ն պատրաստվում էր հրթիռներ արձակել նեղուցի ուղղությամբ։
ԻՀՊԿ-ն սպառնացել է հակահարված տալ թշնամուն։
