Իրանի հարավ-արևելքում՝ Սիստան և Բելուջիստան նահանգի Իրանշահր շրջանում, ինքնաշեն ձայնային ռումբ է պայթել, զոհեր չկան, ասել է շրջանի նահանգապետի պաշտոնակատար Մեհրդադ Ջահանդիդեն, ում վկայակոչում է IRNA գործակալությունը։
«Այսօր առավոտյան ժամը 08.10-ին Սարբազ-Իրանշահր ճանապարհի հինգերորդ կիլոմետրին ինքնաշեն ձայնային ռումբ է պայթել։ Բարեբախտաբար, նյութական վնասներ կամ զոհեր չկան»,- հայտնում է Ջահանդիդեն։
Ըստ մարզպետի պաշտոնակատարի՝ իրավապահ մարմինները պարզում են միջադեպի պատճառները։
