Իրանն ու Թուրքիան ընդգծել են տարածաշրջանում կայուն անվտանգություն հաստատելու անհրաժեշտությունը՝ առանց օտարերկրյա ուժերի ներկայության, գրում է Mehr-ը։
Իրանի բանակի ցամաքային զորքերի հրամանատար, բրիգադի գեներալ Քյումարս Հեյդարին հանդիպել և բանակցություններ է վարել Թուրքիայի պաշտպանության նախարար Յաշար Գյուլերի հետ՝ Ինդոնեզիայի մայրաքաղաք Ջակարտայում կայացած Indo Defense Expo & Forum 2025 ցուցահանդեսի բացման արարողության շրջանակներում։
Հանդիպման ընթացքում երկու կողմերն էլ ընդգծել են տարածաշրջանում կայուն անվտանգություն հաստատելու անհրաժեշտությունը՝ առանց օտարերկրյա ուժերի ներկայության։
Indo Defense Expo & Forum 2025 ցուցահանդեսը մեկնարկել է Ինդոնեզիայի Քեմայորան քաղաքում գտնվող Ջակարտայի միջազգային ցուցահանդեսում (JIExpo) հունիսի 11-ին և կտևի մինչև հունիսի 14-ը։
Միավորելով առաջատար պաշտպանական արտադրողներին, պետական պաշտոնյաներին և ոլորտի փորձագետներին՝ ցուցահանդեսը պաշտպանական տեխնոլոգիաների ուսումնասիրության և միջազգային համագործակցությունը խթանելու հիմնական հարթակ է։ Indo Defense Expo & Forum-ը նախատեսված է առաջարկելու ամենաարդյունավետ մարքեթինգային հնարավորությունը մեկ վայրում բարձրաստիճան զինվորական պաշտոնյաների և որոշում կայացնողների հետ կապ հաստատելու համար։ Իրանի լրատվամիջոցները գրում են, որ պաշտպանության և անվտանգության ոլորտում ռազմական, ավիացիոն և ծովային ամենաժամանակակից տեխնոլոգիաները ցուցադրող Indo defense-ը համապարփակ հանդիպման վայր է աշխարհի տարբեր երկրներից կարևոր որոշում կայացնողների, պաշտպանական գործակալությունների և ընկերությունների համար։
