Թեհրանը ոչ մեկից թույլտվություն չի խնդրի՝ օգտագործելու ինքնիշխանությունը պաշտպանելու իր իրավունքը։ Այս մասին հայտարարել է Իրանի ԱԳՆ պաշտոնական ներկայացուցիչ Նասեր Քանանին՝ մեկնաբանելով Մեծ Բրիտանիայի, Գերմանիայի և Ֆրանսիայի կոչը Իսլամական Հանրապետությանը՝ զերծ մնալ Իսրայելին պատասխան տալուց պաղեստինյան ՀԱՄԱՍ շարժման քաղբյուրոյի ղեկավար Իսմայիլ Հանիեի սպանության համար։
«Իրանի Իսլամական Հանրապետությունը վճռական է պաշտպանելու ինքնիշխանությունն ու ազգային անվտանգությունը, նպաստելու տարածաշրջանային կայունությանը և զսպող մեխանիզմ ստեղծելու ահաբեկչության և անկայունության իրական աղբյուրի դեմ տարածաշրջանում և ոչ մեկից թույլտվություն չի խնդրի իր անօտարելի իրավունքներից օգտվելու համար»,- Քանանիի խոսքերը մեջբերել են Իրանի ԱԳՆ պաշտոնական տելեգրամյան հարթակում։
Դիվանագետի խոսքով՝ եվրոպական եռյակը «լկտիաբար պահանջում է, որ Իրանի Իսլամական Հանրապետությունը պատասխան և զսպիչ միջոցներ չձեռնարկի մի ռեժիմի դեմ, որը խախտում է իր ինքնիշխանությունն ու տարածքային ամբողջականությունը»։
