Հոկտեմբերի 26-ին Իրանի ռազմական օբյեկտներին հասցված իսրայելական հարվածը չի վնասել հրթիռների արտադրության գործընթացին։ Այս մասին հայտնել է իսլամական հանրապետության պաշտպանության նախարար Ազիզ Նասիրզադեն։
«Ոչ մի խնդիր եւ խափանում հարձակողական զենքի արտադրության գործընթացում, ներառյալ հրթիռները, չեն ծագել»,- ասել է նա Իրանի պետական հեռուստառադիոընկերության եթերում։ Ինչպես նշել է Նասիրզադեն, Իրանի պաշտպանական եւ հարձակողական պոտենցիալին վնաս հասցնելու Իսրայելի փորձը հաջողությամբ չի պսակվել։
Ավելի վաղ Իրանի ՊՆ-ն տեղեկացրել էր, որ իսլամական հանրապետությունը կարողացել է կարճ ժամկետում վերացնել ողջ վնասը, որը հասցվել է երկրի ռազմական ենթակառուցվածքին իսրայելական հրթիռային հարվածի ժամանակ։
