Իրանի ՀՕՊ շտաբը ցանկացած իրավիճակում մնում է մարտական և պաշտպանական պատրաստվածության ամենաբարձր մակարդակի վրա, հայտարարել է Հաթամ ալ-Անբիա ՀՕՊ բազայի հրամանատար, բրիգադի գեներալ Ալիռեզա Սաբահի Ֆարդը, հաղորդում է Mehr-ը։
Իրանի հյուսիս-արևմուտքում գտնվող ՀՕՊ շտաբ այցելության ժամանակ «Խաթամ ալ-Անբիա» ՀՕՊ բազայի հրամանատարը ընդգծել է բանակի ՀՕՊ անձնակազմի հերոսական զոհողությունները 12-օրյա պարտադրված պատերազմի ընթացքում՝ ԻՀՊԿ-ի ավիատիեզերական ուժերի հետ միասին:
Բրիգադի գեներալ Ալիռեզա Սաբահի Ֆարդը նշել է, որ պատերազմի ժամանակ «սիոնիստական ռեժիմը խոնարհվել է Իրանի քաջարի երիտասարդության կամքի առաջ և դիմել հրադադարի»:
Հղում անելով Իրան-Իրաք պատերազմի ութամյա փորձին՝ Սաբահի Ֆարդը նշել է, որ 12-օրյա պատերազմի ընթացքում «իրանցի երիտասարդությունը ավելի վճռականորեն, քան երբևէ, դեմ դուրս եկավ սիոնիստական ռեժիմին և հանցավոր ԱՄՆ-ին»։
