Իրանի Զինված ուժերի զինծառայողները պատրաստ են պատերազմել այնքան ժամանակ, որքան անհրաժեշտ կհամարի երկրի քաղաքական ղեկավարությունը։ Այս մասին հայտարարել է Իրանի բանակի ներկայացուցիչ Մոհամմադ Աքրամինիան, հայտնում է ՌԻԱ Նովոստի-ն:
«Ռազմական գործողությունների վարման եղանակը կառուցված է այնպես, որ հնարավորություն լինի պատերազմը վարել երկարաժամկետ հեռանկարում։ Եվ զինված ուժերը պատրաստ են շարունակել այս ուղին այնքան ժամանակ, որքան երկրի բարձրագույն քաղաքական ղեկավարությունը անհրաժեշտ կհամարի»,- ասել է Մոհամմադ Աքրամինիան:
