Եմենի հութիները «Անսար Ալլահ» ապստամբ շարժումից հրթիռային հարձակում են գործել Թել Ավիվի մերձակայքում գտնվող ռազմական օբյեկտի վրա։ Այս մասին հայտարարել է ապստամբների կողմից ստեղծված զինված ուժերի ներկայացուցիչ Յահյա Սարիան։
«Եմենի զինված ուժերի հրթիռային ուժերը «Պաղեստին-2» տեսակի հիպերձայնային բալիստիկ հրթիռով հարված են հասցրել օկուպացված Յաֆայի շրջանում իսրայելական թշնամու ռազմական թիրախին:
Երեքշաբթի գիշերը իսրայելական բանակը հայտնել է, որ Եմենից արձակված հրթիռը որսացել է Իսրայելի օդային տարածք մտնելուց առաջ։ Թել Ավիվի մոտ 20 բնակիչ տուժել է այն բանից հետո, երբ քաղաքում օդային հարձակման նախազգուշացում է հայտարարվել։ Նրանք վիրավորվել են ապաստարաններ շտապելիս։
Գազայի հատվածում հակամարտության սրումից հետո Անսար Ալլահը նախազգուշացրել է, որ հրթիռակոծելու է Իսրայելը և թույլ չի տա հարակից նավերին անցնել Կարմիր ծովի ջրերով և Բաբ ալ-Մանդեբի նեղուցով, մինչև պաղեստինյան անկլավում գործողությունների դադարեցումը:
