2028թ. Հնդկաստանը համախառն ներքին արտադրանքի աճով կարող է դառնալ աշխարհի առաջին երկիրը եւ համաշխարհային տնտեսության զարգացման գլխավոր դրայվերը։ Այս մասին տեղեկացրել է Bloomberg գործակալությունը։
Գործակալության ուսումնասիրության համաձայն՝ Հնդկաստանի ՀՆԱ տարեկան աճը լավատեսական կանխատեսմամբ ընթացիկ տասնամյակի վերջին կարող է հասնել 9 տոկոսի։ Ընդ որում, անգամ ամենաբացասական սցենարի դեպքում, որի համաձայն՝ ցուցանիշը չի գերազանցի 6,5 տոկոսի տեմպը, Նյու Դելին, միեւնույն է, առաջ կանցնի աշխարհի տնտեսությունների թոփ-5-ի մյուս առաջատարներից։ Այսպիսով, երկիրը կդառնա համաշխարհային տնտեսության աճի հիմնական դրայվերը, ամփոփել է գործակալությունը։
Bloomberg-ի գնահատականներով՝ հաջողությունը զարգացնելու համար ներկա վարչապետ Նարենդրա Մոդին, երրորդ ժամկետով վերընտրման դեպքում, պետք է իրականացնի բազմավեկտոր տնտեսական քաղաքականություն։ Խոսքն այդ թվում ենթակառուցվածքի բարելավման, աշխատանքի արտադրողականության, ձեռնարկությունների քանակի եւ աշխատատեղերի ավելացման, ինչպես նաեւ հանրապետության ակտիվ ուրբանիզացիայի մասին է։
Ապրիլի 5-ին Հնդկաստանի Պահուստային բանկի ղեկավար Շակտիկանտա Դասը հայտնել է, որ հնդկական տնտեսությունը 2024-2025 ֆինանսական տարում (սկսվել է ապրիլի 1-ից) կարող է ավելանալ 7 տոկոսով։ Հնդկաստանի առեւտրի նախարարության արդյունաբերության եւ ներքին առեւտրի զարգացման վարչության տվյալներով՝ պետական խթանող վճարումները օգնել են երկրին նկատելիորեն ավելացնել էլեկտրոնիկայի, անօդաչուների եւ այլ արտադրանքի արտադրությունը տնտեսության 14 հատվածներում։
