Լիբանանյան «Հեզբոլլահ» շարժումը հայտնել է, որ իր մարտիկները հրթիռակոծել են իսրայելական ուժերը, որոնք փորձել են թափանցել Լիբանանի տարածք Հադաբ-Այթա անտառային զանգվածից։
Հարձակման հետեւանքով կան զոհեր, եւ դա ստիպել է իսրայելական զորքերին նահանջել, տեղեկացրել է շարժումն իր թելեգրամ-ալիքում։
Ավելի վաղ «Հեզբոլլահը» հայտնել էր կիրակի հարձակումների շարքի մասին Իսրայելի հյուսիսում, ներառյալ զորամասերի հրթիռակոծումը Բեյթ Հիլելում եւ ռազմական դիրքերը Ջալ ալ-Ալամում, ալ-Մալիքիում, Զաբադանում եւ Շտուլում։
