Համաշխարհային տնտեսական ֆորումի փորձագետները կազմել են զբոսաշրջային ոլորտում The Travel and Tourism Competitiveness Index 2019-ի երկրների ցանկը, գրում է Rusarminfo-ն:
Հայաստանը զբաղեցրել է 79-րդ հորիզոնականը՝ հանգրվանելով Ուկրաինայի և Ղազախստանի միջև: Վրաստանը և Ադրբեջանը զբաղեցրել են 68-րդ և 71-րդ հորիզոնականները, Ռուսաստանը 39-րդ հորիզոնականում է:
Աղյուսակի առաջին հորիզոնականում Իսպանիան է, նրան հաջորդում են Ֆրանսիան և Գերմանիան: Տասնյակում նաև հայտնվել են Ճապոնիան, ԱՄՆ-ն, Մեծ Բրիտանիան, Իտալիան, Կանադան, Շվեյցարիան:
Ամենից ոչ մրցակցային երկրներ են ճանաչվել Եմենը, Չադը և Լիբերիան:
