Հայաստանում, Աբխազիայում եւ Հարավային Օսիայում Հարավային ռազմական օկրուգի ռուսական ռազմաբազաներում ավարտվել է զինծառայողների պատվաստումը նոր կորոնավիրուսային վարակի դեմ:
Հարավային ռազմական օկրուգում շարունակվում է պատվաստումների արշավը նոր կորոնավիրուսային վարակի դեմ: Հարավային ռազմական օկրուգի՝ «Սպուտնիկ V»-ի երկու բաղադրիչներով պատվաստված ռազմական անձնակազմի, նրանց ընտանիքների անդամների եւ քաղծառայողների թիվն ավելի քան 100 հազար մարդ է կազմում:
Պատվաստումն իրականացվում է Հարավային ռազմական օկրուգի շրջանային ռազմական կլինիկական հիվանդանոցի մասնաճյուղերի եւ շրջանային միությունների կազմավորումների եւ զորամասերի բժշկական ստորաբաժանումների հիման վրա:
Պատվաստանյութի ներարկումից առաջ բժշկական ծառայության մասնագետները հիվանդներին հայտնում են «Գամ-ԿՈՎԻԴ-Վակ» («Սպուտնիկ V») դեղամիջոցի՝ մարդու օրգանիզմի վրա ազդեցության մասին: Պատվաստումն իրականացվում է կամավոր հիմունքներով եւ դեղամիջոցի բաղադրիչների ներարկման համար համաձայնության ստորագրումից հետո:
Հարավային ռազմական օկրուգի բժշկական հաստատություններում դեղաչափերի անհրաժեշտ պաշար է ստեղծվել, ինչը հնարավորություն է տալիս օրական մինչեւ 1000 մարդու պատվաստել: Ընդհանուր Հարավային ռազմական օկրուգ 7 մատակարարումների ընթացքում ստացվել է «Սպուտնիկ V»-ի ավելի քան 150 հազար դեղաչափ:
