«Հայաստանի Հանրապետության փորձագիտական կենտրոն»-ի փորձարկման լաբորատորիան ստացել է միջազգային ստանդարտներին համապատասխան հավատարմագրում: Փորձագիտական կենտրոնի տարածած հաղորդագրության մեջ նշվում է, որ սա նպատակաուղղված քայլ է՝ Կենտրոնի աշխատանքը միջազգային արդի ստանդարտներին առավել համապատասխան դարձնելու և մատուցվող ծառայությունների որակը բարելավելու ուղղությամբ:
«Այսուհետ փորձարկումները կիրականացվեն ըստ միջազգային ԳՕՍՏ ԻՍՕ/ԻԷԿ 17025–2019 ստանդարտի պահանջների, ինչը լրացուցիչ երաշխիք է փորձագիտական եզրակացությունների ճշգրտության և հավաստիության:
Կենտրոնը շարունակում է հետևողականորեն կատարելագործել իր մասնագիտական ու տեխնիկական կարողությունները՝ ապահովելով որակի բարձր մակարդակ,– ասված է հաղորդագրության մեջ։
