Հայաստանի արտաքին գործերի նախարար Արարատ Միրզոյանը հուլիսի 25-ին կմեկնի Մոսկվա։
Այս մասին հաղորդագրություն է տարածել ՀՀ արտաքին գործերի նախարարությունը։
«Կայանալու է երկկողմ հանդիպում ՌԴ ԱԳ նախարարի և եռակողմ հանդիպում ՌԴ և Ադրբեջանի նախարարների հետ: Օրակարգում են տարածաշրջանային անվտանգության, Հայաստանի և Ադրբեջանի միջև հարաբերությունների կարգավորման հարցերը, հումանիտար խնդիրները»,- նշված է հաղորդագրության մեջ:
Հայաստանի, Ռուսաստանի և Ադրբեջանի արտաքին գործերի նախարարների եռակողմ հանդիպման մասին ավելի վաղ հաղորդագրություն էր տարածել նաև Ռուսաստանի արտաքին գործերի նախարարությունը։
