ԱՄՆ նախագահի հանրապետական թեկնածու Դոնալդ Թրամփը պնդում է, որ ընտրություններում իր դեմոկրատ մրցակից Քամալա Հարիսի հնարավոր հաղթանակը կհանգեցնի «բացասական հետեւանքների» Իսրայելի համար։ Այս կարծիքը նա հայտնել է 2023 թվականի հոկտեմբերի 7-ին հրեական պետության տարածք պաղեստինյան արմատական ՀԱՄԱՍ շարժման զինյալների ներթափանցման տարելիցի կապակցությամբ՝ սգո միջոցառման ժամանակ ելույթի ընթացքում։
«Հոկտեմբերի 7-ի հարձակումը երբեք չէր լինի, եթե ես լինեի նախագահ», – մեջբերում է Politico թերթը Թրամփի խոսքերը։
Նա հավելել է, որ Հարիսի հնարավոր հաղթանակը «գոյաբանական սպառնալիք» կստեղծի հրեական պետության համար։
Միևնույն ժամանակ, նախկին նախագահը ևս մեկ անգամ մեղադրել է ներկայիս դեմոկրատական վարչակազմին մեկ տարի առաջ Մերձավոր Արևելքում տեղի ունեցած «դաժանությունների» մեջ։ Նա նաև պնդել է, որ Դեմոկրատական կուսակցության մի քանի ներկայացուցիչներ «հակասեմիտական հայացքներ ունեն»։
