Գրեթե 500 000 պաղեստինցի լքել է Գազա քաղաքն այն բանից հետո, երբ Իսրայելի պաշտպանության բանակը (ԻՊԲ) հայտարարել է այդ գոտում ՀԱՄԱՍ-ի դեմ լայնածավալ գործողության նախապատրաստման մասին: Այդ մասին հաղորդում է The Times of Israel-ը՝ վկայակոչելով իսրայելցի զինվորականների գնահատումը։
ԻՊԲ-ի տվյալներով՝ այդ բնակիչները տեղափոխվել են անկլավի այլ շրջաններ։ Մինչև ԻՊԲ-ի կողմից գործողության նախապատրաստումը քաղաքում, գնահատումների համաձայն, ապրում էր շուրջ 1 միլիոն պաղեստինցի։
Ավելի վաղ Իսրայելի իշխանությունները Գազա քաղաքի բնակիչներին բազմիցս կոչ են արել տարհանվել հատուկ հումանիտար գոտիներ։
Լույս սեպտեմբերի 16-ի գիշերը ԻՊԲ-ն ցամաքային հարձակում է սկսել Գազա քաղաքի վրա։ Իսրայելի պաշտպանության նախարար Իսրայել Կացը հայտարարել է, որ բանակը Գազայում կգործի մինչև պաղեստինյան ՀԱՄԱՍ շարժման լիակատար ջախջախումը։
Իսրայելը «Գեդեոնի կառքեր 2» անվանմամբ գործողության մասին ազդարարել է 2025 թ. օգոստոսին։ Այն ենթադրում է վերահսկողության հաստատում Գազա քաղաքի նկատմամբ։
