Սյունիքի մարզում Գորիս-Կապան ավտոճանապարհին տեղի ունեցած ՃՏՊ-ի հետևանքով կան զոհեր. հայտնաբերվել է 2 դի:
Ինչպես հայտնում են Արտակարգ իրավիճակների նախարարությունից, դեպքի վերաբերյալ մարզային ճգնաժամային կառավարման կենտրոն ահազանգը ստացվել է ժամը 20։44-ին: «Գորիս-Կապան ավտոճանապարհի 10-րդ կմ-ին «Mitsubishi Montero» մակնիշի ավտոմեքենան (վարորդ՝ Ահարոն Խ․) դուրս է եկել ճանապարհի երթևեկելի հատվածից և մոտ 300 մ ընկել ձորը։ Փրկարարները հայտնաբերել են Կարապետ Յ-ի և Ահարոն Խ-ի դիերը»,- նշում են ԱԻՆ-ից և հավելում, որ դեպքի վերաբերյալ կտրվի լրացուցիչ տեղեկություն:
