Գերմանիայի արտաքին գործերի նախարարությունը երկրի քաղաքացիներին կոչ է արել հեռանալ Իրանից՝ «եվրաեռյակի» (Գերմանիա, Մեծ Բրիտանիա, Ֆրանսիա)՝ Թեհրանի դեմ պատժամիջոցները վերականգնելու փորձերի ֆոնին:
Այդ մասին հայտարարություն է տարածել Գերմանիայի ԱԳՆ-ն։
«Նախազգուշացնում ենք զերծ մնալ Իրան ուղևորություններից: Գերմանիայի քաղաքացիներին կոչ ենք անում հեռանալ Իրանից», - ասվում է հաղորդագրության մեջ:
Գերատեսչությունում պարզաբանել են՝ «քանի որ Իրանի կառավարության ներկայացուցիչներն անցյալում բազմիցս սպառնացել են հետևանքներով՝ ի պատասխան այդ քայլի, չի կարելի բացառել, որ պատասխան միջոցառումները կարող են ազդել Գերմանիայի շահերի և Գերմանիայի քաղաքացիների վրա»:
Միևնույն ժամանակ, Թեհրանում Գերմանիայի դեսպանությունը ներկայում կարող է հյուպատոսական օգնություն ցուցաբերել քաղաքացիներին «միայն սահմանափակ մասշտաբով», - հավելել են Արտաքին գործերի նախարարությունում:
