Գազայի հյուսիսում Իսրայելի նոր հարվածների հետեւանքով առնվազն 19 մարդ է զոհվել։ Այս մասին հայտնել է Կատարի Al Jazeera հեռուստաալիքը։ Նրա տվյալներով՝ երկուշաբթի իսրայելական ուժերը հարվածներ են հասցրել Գազա եւ Բեյթ Լահիա քաղաքների բնակելի շենքերին։ Հարձակման հետեւանքով վիրավորվել է 15 մարդ, կան նաեւ անհետ կորածներ։Մարտի 18-ին իսրայելական բանակը վերսկսել է ռազմական գործողությունները Գազայի հատվածում՝ լայնածավալ հարվածներ հասցնելով անկլավին եւ ընդհատելով այս տարվա հունվարին հաստատված հրադադարը։ Իսրայելի վարչապետ Բենիամին Նեթանյահուի գրասենյակը դա բացատրել է արմատական պաղեստինյան ՀԱՄԱՍ շարժման կողմից միջնորդների եւ ԱՄՆ նախագահի հատուկ բանագնաց Սթիվեն Ուիթքոֆի կողմից բանակցությունների ընթացքում արված առաջարկներից հրաժարվելով՝ հայտարարելով, որ այդ հատվածում գործողության նպատակը բոլոր պատանդներին ազատելն է։ Արմատականները ռազմական գործողությունների վերսկսման պատասխանատվությունը դնում են Իսրայելի եւ ԱՄՆ-ի վրա։
