2021 թվականի հունվար-սեպտեմբերին Հայաստանից ոչ հումքային ապրանքների արտահանումն աճել է գրեթե 30 տոկոսով։ Այս մասին նոյեմբերի 2-ին մշտական խորհրդարանական հանձնաժողովների համատեղ նիստին 2022 թվականի պետական բյուջեի նախագծի քննարկման ժամանակ հայտարարեց էկոնոմիկայի նախարար Վահան Քերոբյանը։
Նրա խոսքով` պղնձի համաշխարհային գների աճի պատճառով աճել է նաեւ հումքային արտահանումը։ «Արտահանման պետական ապահովագրական գործակալությունն էապես մեծացրել է արտահանման պայմանագրերի ապահովագրությունը եւ այս տարի դրա ծավալը կհասցնի 50 միլիարդ դրամի»,- ասաց Քերոբյանը։
