Եվրոպական խորհրդարանը բանաձև է ընդունել օդային տարածքի պաշտպանության վերաբերյալ: Եվրախորհրդարանի պատգամավորները դատապարտել են Ռուսաստանի կողմից ԵՄ-ի և ՆԱՏՕ-ի անդամ երկրների՝ Լեհաստանի, Էստոնիայի, Լատվիայի, Լիտվայի և Ռումինիայի օդային տարածքի խախտումները՝ ասված է ընդունված բանաձևում:
Նրանք նաև դատապարտել են անօդաչուների կանխամտածված հարձակումները Դանիայում, Շվեդիայում և Նորվեգիայում կարևոր ենթակառուցվածքի օբյեկտների վրա:
Եվրախորհրդարանի պատգամավորների խոսքով՝ դրանք համակարգված ռազմական ու հիբրիդային պատերազմի և ԵՄ-ի ու նրա անդամ պետությունների դեմ Ռուսաստանի սադրանքների մաս են կազմում:
«Եվրախորհրդարանը խրախուսում է ցանկացած նախաձեռնություն, որը թույլ է տալիս ԵՄ-ին և նրա անդամ պետություններին համակարգված, միավորված և համաչափ գործողություններ ձեռնարկել իրենց օդային տարածքի բոլոր խախտումների, այդ թվում՝ օդային սպառնալիքների ոչնչացման դեմ»,- ասված է բանաձևում:
