Երևանի քաղաքապետարանի կողմից մանկապարտեզների համար ձեռք է բերվել խոհանոցային և կենցաղային նոր տեխնիկա՝ սալօջախ, սառնարան, լվացքի մեքենա:
Այս մասին հայտնում են Երևանի քաղաքապետարանից, ընդգծելով, որ նախակրթարանները հագեցվել են մանկական սեղաններով և աթոռներով, եռահարկ հարմարավետ մահճակալներով, տնտեսական պարագաների համար նախատեսված պահարաններով, ինչպես նաև նորացվել է մարզական գույքը:
Բացի այդ, երեխաների զարգացումը ապահովելու նպատակով 40 մանկապարտեզում ներդրվել է ռոբոտաշինության ծրագիր:
Ձեռք են բերվել նաև զարգացնող խաղեր և ուսուցողական գրքեր:
Այս նպատակով 2020 թվականից մինչ օրս ծախսվել է շուրջ 450 մլն դրամ:
