Անհայտ հաքերները կիբերհարձակում են իրականացրել Չեխիայի մի քանի նախարարությունների և գերատեսչությունների, այդ թվում՝ Ներքին գործերի նախարարության և հանրապետության ոստիկանության կայքերի վրա: Այս մասին հայտնել է Չեխիայի ռադիոն:
Ոստիկանության խոսնակ Յոզեֆ Բոցանի խոսքով՝ կայքերի խափանման և ժամանակավոր անհասանելիության պատճառն արտասահմանից կատարված DDoS հարձակումն է եղել: Կառավարական ռեսուրսների գործունեությունը լիովին վերականգնվել է:
Իրավապահ մարմինների աշխատակիցները հետաքննում են, թե ով է կանգնած կայքերի վրա հարձակման հետևում:
