ԱՄՆ նախագահ Դոնալդ Թրամփը ծրագրում է նոր մոտեցում լուծել անօթևանների խնդիրը՝ փողոցում ապրողներին բռնի կերպով տեղափոխելով մեծ ճամբարներ և պահանջելով նրանց բուժում անցնել հոգեկան առողջության խանգարումների և հակումների դեմ: Այս մասին հայտնում է CBS News հեռուստաալiքը։
Նրա խոսքով՝ Թրամփի վարչակազմը պատրաստվում է հեռանալ «Housing First» ծրագրից, որն առաջնահերթություն է տալիս մշտական կացարան տրամադրել այն մարդկանց, որոնք հայտնվել են անօթևան վիճակում։ Այն իրականացվել է ազգային մակարդակով 2004 թվականին Ջորջ Բուշի վարչակազմի օրոք և ընդլայնվել նախագահներ Բարաք Օբամայի և Ջո Բայդենի օրոք:
Այժմ Թրամփը, նշում է հեռուստաալիքը, ձգտում է վերացնել հարկատուների կողմից սուբսիդավորվող բնակարանային նախաձեռնությունները և առաջ է քաշում պատժիչ մոտեցում, որը ներառում է տուգանքներ և հնարավոր բանտարկություն անօթևանների համար: Նա ելնում է այն ենթադրությունից, որ անօթևանության դեմ պայքարի հիմնական միջոցները պետք է լինեն հոգեկան խանգարումների և հակումների բուժումը։
Մարտի սկզբին Թրամփը հրամայեց ամերիկյան մայրաքաղաքի քաղաքապետ Մյուրիել Բոուսերին (որը ներկայացնում է Դեմոկրատական կուսակցությունը) քաղաքից հեռացնել անօթևանների ճամբարները։
