ՑԱԽԱԼ-ը հայտարարել է, որ ՀԱՄԱՍ-ը պլանավորել էր զավթել Գազայի միջանցքը եւ այն պահել որոշակի ժամանակ, տեղեկացրել է Jpost-ը։
Սարքավորումները, նյութատեխնիկական ապահովումը եւ այլ տվյալներ ցույց են տալիս, որ ՀԱՄԱՍ-ի զինյալներն ակնկալում էին մնալ այս շրջանում եւ պատրաստ էին նման գործողության՝ ավելի արագ եւ հզոր հակահարձակման ենթարկվելուց առաջ։
ՑԱԽԱԼ-ի գլխավոր ներկայացուցիչ, բրիգադի գեներալ Դանիել Հագարին չորեքշաբթի հայտնել է, որ ՀԱՄԱՍ-ի երեք զինյալ վերջերս սպանվել է Աշքելոնից հարավ։ Նա նշել է, որ նրանց գտել եւ սպանել են արդյունաբերական գոտում, ոչ թե Աշքելոնում։
Հագարին ներկայացրել է թարմացված տեղեկություն ՀԱՄԱՍ-ի հրթիռակոծությունների թվի մասին, այն գերազանցում է 5 000-ը, իսկ առաջին օրը՝ մոտ 2 000։ ՑԱԽԱԼ-ը կտրականապես հրաժարվում է վիճակագրական տվյալներ տրամադրել «Երկաթե գմբեթի» արդյունավետության մասին՝ հայտարարելով, որ դա կարող է ձեռնտու լինել ՀԱՄԱՍ-ին։
Հագարին ներկայացրել է ՑԱԽԱԼ-ի ջանքերը, որն այժմ մարտական գործողություններ է վարում հինգ ճակատներում, այդ թվում Գազայի հատվածի ներսում, Գազայի միջանցքում, Լիբանանում, Սիրիայում եւ Արեւմտյան ափին։
Հագարիի տոնը, սակայն, ենթադրել է տալիս, որ գիշերային գրոհները Սիրիայից մեծ չեն եղել եւ չեն վկայում նոր խոշոր հակամարտության մասին, իսկ Լիբանանն ակտիվացել է, բայց մնացել է նոր մեծ առանձին հակամարտության մակարդակում։
Նա նշել է, որ ներկայում ավիահարվածները հասցվում են մեծ ալիքներով, բայց շեշտը դրվում է ՀԱՄԱՍ-ի բարձրաստիճան պաշտոնյաների սպանության վրա։
Նա ակնարկել է, որ այն երկուսից բացի, որոնց մասին հայտարարվել էր երեքշաբթի, ՀԱՄԱՍ-ի եւս մի քանի պաշտոնյաներ հավանաբար արդեն սպանված են, բայց նա չի նշի նրանց անուններն այնքան ժամանակ, մինչեւ որ ՀԱՄԱՍ-ը դա կանի հրապարակայնորեն։
