ԱՄՆ նախագահական ընտրություններից 10 օր առաջ դեմոկրատ Քամալա Հարիսն ու հանրապետական Դոնալդ Թրամփը աջակցության մակարդակով հավասար են։ Խոսքը գնում է յոթ առանցքային, այսպես կոչված, երերուն նահանգների մասին, ըստ Bloomberg-ի սոցիոլոգիական հարցման։
BloombergNews/Morning Consult սոցհարցման տվյալները ցույց են տալիս, որ Հարիսն ու Թրամփը հավասար ձայներ ունեն (49%) յոթ նահանգներում (Արիզոնա, Ջորջիա, Միչիգան, Նևադա, Հյուսիսային Կարոլինա, Փենսիլվանիա և Վաշինգտոն): Հարցման վիճակագրական սխալի սահմանը 1 տոկոս է։
Առավելության հանսելու համար Թրամփը մտադիր է մոբիլիզացնել ընտրողներին, որոնք սովորաբար չեն մասնակցում քվեարկությանը: Հարիսը փորձում է գրավել կանանց և հավաքագրել չափավոր հանրապետականներին, որոնք Թրամփի կողմնակիցներ չեն:
Դեմոկրատ թեկնածուն որոշ անձնական հատկանիշներով գերազանցում է իր հակառակորդին։ Ընտրողները նախընտրում են Հարիսին, երբ խոսքը վերաբերում է հոգեպես առողջ, ազնիվ և սրտացավ թեկնածուին: Այս ընտրողները ավելի հաճախ են Թրամփին վտանգավոր համարել:
Սակայն նախկին նախագահն ունի նաև իր ուժեղ կողմերը, մասնավորապես, ընտրողներից շատերը նրան համարում են փորձառու, հայրենասեր և ուժեղ առաջնորդ։
Ըստ Bloomberg-ի՝ Թրամփը առավելություն ունի ամենակարևոր՝ տնտեսության մեջ։ Առանցքային նահանգներում գտնվող ամերիկացիների մոտ 50%-ը նրան ավելի շատ է վստահում տնտեսական հարցերում, մինչդեռ Հարրիսի 45%-ը:
