Աստանայում ՇՀԿ-ի գագաթնաժողովը սկսվել է կազմակերպության կազմում Բելառուսի ընդունման փաստաթղթերի ստորագրմամբ։ Այս մասին հայտարարել է Ղազախստանի նախագահ Կասիմ-Ժոմարտ Տոկաևը։
Նրա խոսքով՝ Բելառուսը կարճ ժամանակում ավարտել է ՇՀԿ-ին լիարժեք մասնակցության բոլոր ընթացակարգերը, գրում է ՌԻԱ Նովոստին։
ՇՀԿ-ն միջազգային կազմակերպություն է, որը հիմնադրվել է 2001թ. Այժմ այն ներառում է տասը պետություն՝ Հնդկաստան, Իրան, Ղազախստան, Չինաստան, Ղրղզստան, Ռուսաստան, Տաջիկստան, Պակիստան, Ուզբեկստան և Բելառուս։ Դիտորդ երկրներն են Աֆղանստանը և Մոնղոլիան, գործընկեր երկրներն են Ադրբեջանը, Հայաստանը, Կամբոջան, Նեպալը, ԱՄԷ-ն, Թուրքիան և Շրի Լանկան։
