ԱՄՆ նախագահ Ջո Բայդենը մտադիր է իր իշխանության վերջին ամիսներին ուժեղացնել ԱՄՆ-ի ռազմական աջակցությունն Ուկրաինային, ասել է ԱՄՆ պետքարտուղար Էնթոնի Բլինկենը:
Այս հայտարարությունը հնչել է այն բանից հետո, երբ Ռուսաստանն այսօր հրթիռներով և անօդաչու թռչող սարքերով հարձակում է գործել Կիևի վրա, գրում է abcnews.go.com կայքը։
«ԱՄՆ-ն կշարունակի աջակցել այն ամենին, ինչ մենք անում ենք Ուկրաինայի համար, որպեսզի համոզվենք, որ նա կարող է արդյունավետորեն պաշտպանել իրեն ռուսական այս ագրեսիայից», - ասել է Բլինկենը լրագրողներին ՆԱՏՕ-ի կենտրոնակայանում՝ նախքան դաշնակից դեսպանների և ուկրաինացի պաշտոնյաների հետ նախատեսված հանդիպումները:
