Արցախի Հանրապետության նախագահ Բակո Սահակյանն օգոստոսի 27-ին ընդունել է «Հայոց արեւելից կողմանք. պատմություն եւ մշակույթ» հայագիտական միջազգային գիտաժողովի մի խումբ մասնակիցների:
Հանդիպման ընթացքում արծարծվել են Արցախի պատմությանը, պետականաշինությանը, ներքին եւ արտաքին քաղաքականությանը, ադրբեջանա-ղարաբաղյան հակամարտության կարգավորմանը, կրթության եւ գիտության զարգացմանը վերաբերող տարբեր հարցեր:
Նախագահը կարեւորել է նման հանդիպումների եւ քննարկումների անցկացումն՝ այն համարելով հետաքրքիր ու օգտակար:
