Բահրեյնում երեքշաբթի օրը հինգ մարդ է դատապարտվել ցմահ ազատազրկման։ Նրանք մեղադրվում են Իրանի հետ համատեղ «ահաբեկչական և թշնամական գործողություններ» պլանավորելու մեջ, հաղորդում է AFP-ն։
Պետական մեղադրողը հայտարարել է, որ Գերագույն քրեական դատարանի կողմից դատապարտվել են երկու աֆղանցի և երեք բահրեյնցի, իսկ չորրորդ բահրեյնցին արդարացվել է: Հայտարարության համաձայն՝ նրանք մեղադրվում են Իրանի համար «կենսական նշանակության օբյեկտներ» դիտարկելու և լուսանկարելու մեջ:
«Մեղադրանքը հաստատում է, որ Բահրեյնի Թագավորության դեմ ուղղված թշնամական օտարերկրյա կազմակերպությունների հետ կապը համարվում է ազգային անվտանգությանը վնասող ամենալուրջ հանցագործություններից մեկը», - ասվում է հայտարարության մեջ։
Պետական մեղադրողը քննարկում է վեցերորդ մեղադրյալի արդարացման դատավճռի բողոքարկման հնարավորությունը։
Երկուշաբթի օրը Բահրեյնը չեղյալ է հայտարարել 69 մարդու քաղաքացիությունը՝ պնդելով, որ նրանք «աջակցել են Իրանի թշնամական գործողություններին»։
