Հայաստանի ԱԺ մշտական հնձնաժողովներում այսօր՝ մայիսի 29-ին, մեկնարկել են «ՀՀ 2022 թվականի պետական բյուջեի կատարման մասին» տարեկան հաշվետվության նախնական քննարկումները: Այսօրվա նմիստին ներկա կլինի վարչապետ Նիկոլ Փաշինյանը:
Մասնավորապես, այսօրվա առաջին նիստի օրակարգում է ԱԻՆ-ի եւ ոստիկանության հաշվետվությունների քննարկումը: Զեկուցողներն են Ֆինանսների նախարար Վահե Հովհաննիսյանը, ԱԻ նախարար Արմեն Փամբուխչյանը, Ներքին գործերի նախարար Վահե Ղազարյանը:
Օրվա երկրորդ կեսին սպասվող նիստը դռնփակ է լինելու, որի օրակարգում է պաշտպանության, ազգային անվտանգության ոլորտների կտարողականի քննարկումը: Զեկուցողներն են ֆինանսների նախարար Վահե Հովհաննիսյանը, Պաշտպանության նախարար Սուրեն Պապիկյանը, Ներքին գործերի նախարար Վահե Ղազարյանը, Արտակարգ իրավիճակների նախարար Արմեն Փամբուխչյանը, Բարձր տեխնոլոգիական արդյունաբերության նախարար Ռոբերտ Խաչատրյանը, Ազգային անվտանգության ծառայության տնօրեն Արմեն Աբազյանը:
