Այս տարի նույնպես պլանավորում ենք ավելացնել ավտոբուսային գծեր, բայց ե՛րբ է լինելու, որ կոնկրետ մի գծի ավտոբուսը դուրս գա և հիմնականում իր ավտոբուսային գծով երթևեկի և անխոչընդոտ հասնի տեղ, կարծում եմ՝ հաջորդ տարի նմանատիպ գիծ կամ գծեր կունենանք: Այդ մասին ասուլիսի ժամանակ ասաց Երևանի քաղաքապետ Տիգրան Ավինյանը:
Քաղաքապետն ընդգծեց, որ իրենք կենտրոնանում են այն հատվածների վրա, որտեղ պոտենցիալ խցանման խնդիրն ամենաշատն է. «Ճիշտ է, դա է՛լ ավելի է սրում խցանման խնդիրը մյուս ավտոմեքենաների համար, բայց, ինչպես հայտարարել ենք, հանրային տրանսպորտը առաջնահերթ է ու գերակա»,- նշեց նա։
