Երեկ ԱԺ պետաիրավական հարցերի հանձնաժողովի փոխնախագահ Աննա Կարապետյանը լրագրողների հետ զրույցում «Լուսավոր Հայաստան» խմբակցության ներկայացրած արտահերթ նիստի հայտարարության վերաբերյալ ասաց, որ հայտարարության նախագիծ, որպես այդպիսին, կցված չի եղել. «Ընդամենը առաջարկ է եղել, որ հրավիրենք արտահերթ նիստ այսինչ օրը: Նախագիծն այս պահին չկա և փաստաթղթերը հետ են վերադարձվել, որպեսի փաթեթը նորմալ ներկայացվի ԱԺ նախագահին, որից հետո էլ հարցը արդիական կլինի»- ասել էր նա:
Սրանից հետո Լուսավոր Հայաստան խմբակցության կողմից հրապարապակվեց ԼՀԿ և ԲՀԿ խմբակցությունների կողմից հրավիրված ԱԺ նիստում քննարկվելիք հայտարարության նախագիծը, որում գործադիր իշխանությանը մասնավորոպես կոչ է արվում դատաիրավական բարեփոխումների իրականացման ընթացքում հավատարիմ մնալ Հայաստանի Հանրապետության Սահմանադրությանն ու օրենսդրությանը և հարգել Հայաստանի Հանրապետության կողմից վավերացված միջազգային փաստաթղթերով ամրագրված միջազգային պարտավորությունները, Մարդու իրավունքների, Ժողովրդավարության և Իրավունքի գերակայության սկզբունքները։
Politik.am-ի հետ զրույցում ԼՀԿ մամուլի խոսնակ Արեն Պետունցը տեղեկացրեց, որ արտահերթ նիստի օր դեռ չի նշանակվել. «Օրը կնշանակվի, երբ հայտարարության ամբողջական փաթեթը կքննարկվի»-ասաց մամուլի խոսնակը:
Հարցին՝ ճի՞շտ է, որ ձևակերպումները փոխելու պահանջ է դրվել՝ այն կետի հետ կապված, որը վերաբերում է Նիկոլ Փաշինյանի հայտարարությանը՝ նա պատասխանեց, որ ոչ թե պահանջ է եղել, այլ առաջարկ, սակայն խմբակցությունը չի համաձայնվել:
Նախագիծը կարող է փոփոխվել արտահերթ նիստի ժամանակ, սակայն հիմա կներկայացվի այնպես ինչպես որ կա:
