ՄԱԿ-ի գլխավոր քարտուղար Անտոնիո Գուտերեշը կոչ է անում անհապաղ դադարեցնել ռազմական գործողությունները Արցախում։
«Գլխավոր քարտուղարը չափազանց անհանգստացած է տարածաշրջանում ռազմական ուժի կիրառմամբ և զոհերի մասին հաղորդումներով, այդ թվում՝ խաղաղ բնակչության շրջանում: Նա ցավում է, որ այս անհանգստացնող իրադարձությունները հաջորդեցին սեպտեմբերի 18-ին տեղի բնակչությանը այդքան անհրաժեշտ մարդասիրական օգնության առաքմանը:
Գլխավոր քարտուղարը հնարավորինս խստորեն կոչ է անում անհապաղ դադարեցնել ռազմական գործողությունները, ապաէսկալացնել և խստորեն պահպանել հրադադարը և միջազգային մարդասիրական իրավունքի սկզբունքները։
Նա շարունակում է մտահոգված լինել տեղում հումանիտար իրավիճակով և կրկնում է իր կոչը՝ շտապ քայլեր ձեռնարկել՝ հեշտացնելու կարիքավորներին մարդասիրական բովանդակալից հասանելիությունը: «Նա կողմերին կոչ է անում վերակենտրոնացնել ջանքերը՝ վստահություն ստեղծելու և տարածաշրջանում երկարաժամկետ խաղաղություն ապահովելու համար», - ասվում է ՄԱԿ-ի գլխավոր քարտուղարի հաղորդագրությունում:
