Ռուսաստանը Ղրիմին կապող Ղրիմի կամրջին հարյուրավոր մեքենաներ են խցանման մեջ հայտնվել՝ տարածքում տեղի ունեցած պայթյունների ֆոնին։
Ենթադրվում է, որ պայթյուններն ուկրաինական անօդաչուների հարձակման հետևանքով են տեղի ունեցել, Կիևը չի արձագանքում։
Կամրջով երթևեկությունը դադարեցված է եղել ժամը 03:15-ից մինչև 04:13-ը: Այդ ընթացքում կամրջի երկու կողմերում կիլոմետրանոց հերթեր են կուտակվել։
Ռուսաստանյան "Крымский ветер" տելեգրամյան ալիքը պայթյունների մասին տեսանյութ է հրապարակել և պնդել, որ դրանց հետևանքով «մեծ հրդեհ» է բռնկվել։
