Սպիտակ տանը կայացած ավանդական ճեպազրույցի ժամանակ Սպիտակ տան մամուլի քարտուղար Ջեն Փսակին ասել է, որ ԱՄՆ-ն հարցեր ունի ՀԱՊԿ ուժերի ներմուծման վերաբերյալ Ղազախստանի խնդրանքի օրինականության վերաբերյալ։ Այս մասին հայտնում է ՏԱՍՍ-ը։
«Մենք ուշադիր հետևում ենք այն հաղորդագրություններին, որ Հավաքական անվտանգության պայմանագրի կազմակերպությունը ուղարկել է իր հավաքական խաղաղապահ ուժերը Ղազախստան: Մենք հարցեր ունենք այս խնդրանքի բնույթի վերաբերյալ՝ արդյոք դա օրինական հրավեր էր, թե ոչ: Մենք դա չգիտենք», – ասել է Փսակին:
Նրա խոսքով՝ միջազգային հանրությունը վերահսկելու է Ղազախստանի Հանրապետությունում մարդու իրավունքների հնարավոր խախտումները։
«Մենք կոչ ենք անում ՀԱՊԿ խաղաղապահ ուժերին և Ղազախստանի իրավապահ մարմիններին պահպանել մարդու իրավունքների միջազգային պարտավորությունները՝ խաղաղ կարգավորումը պահպանելու համար», – ասել է Սպիտակ տան ներկայացուցիչը։
