ԱՄՆ իշխանությունները 68 մարդու մեղադրանք են ներկայացրել նեոնացիստական խմբավորմանը մասնակցելու համար։ Այս մասին չորեքշաբթի օրը հայտնել է ԱՄՆ արդարադատության նախարարությունը։
Սպիտակամորթների ռասայական գերակայության հանցախումբը հիմնված էր Հարավային Կալիֆոռնիայի Սան Ֆերնանդո հովտում: Դրա անդամները «օգտագործում են նացիստական դաջվածքներ, գրաֆիտիներ և խորհրդանիշներ՝ ցուցադրելու իրենց ծայրահեղական սպիտակամորթների ռասայական գերակայության գաղափարախոսությունը», ասվում է հայտարարության մեջ: «Դաջվածքներն ու սիմվոլները ներառում էին սվաստիկան և 88 համարը, որը կոդավորված «Հայլ Հիտլեր» կարգախոսն է, ինչպես նաև նացիստական ինքնաթիռների պատկերներ», - ասվում է գերատեսչությունում:
Խմբի անդամները, ի թիվս այլ բաների, մեղադրվում են թմրամիջոցների իրացման, կողոպուտի, բանկային խարդախության, ինքնության գողության և ապօրինի հրազեն պահելու մեջ։ Բանդայի 42 անդամ արդեն կալանավորվել է։ Նրանց սպառնում է ցմահ ազատազրկում։
