ԱՄՆ-ն, իբր, սպառել է Իրանի դեմ ռազմական գործողության սկսվելուց ի վեր տարիների ընթացքում կուտակված կարևորագույն զինամթերքի պաշարները, հաղորդում է Financial Times (FT)-ը՝ հղում անելով աղբյուրներին։
Ըստ աղբյուրների, ԱՄՆ զինանոցի արագ սպառումը ներառում է նաև Tomahawk թևավոր հրթիռները։
«Սա Tomahawk հրթիռների վրա հսկայական ծախս է։ Ռազմածովային ուժերը մի քանի տարի կզգան այս ծախսերի ազդեցությունը», - թերթը մեջբերել է մի աղբյուրի, որը, իբր, ծանոթ է ԱՄՆ զինված ուժերի կողմից զինամթերքի օգտագործմանը։
Նշվում է, որ ռազմական ծախսերի աճը կմեծացնի ճնշումը ԱՄՆ վարչակազմի վրա, քանի որ Իսրայելի հետ համատեղ Իրանի դեմ սկսված ռազմական գործողությունը դժվարություններ է առաջացրել Հորմուզի նեղուցով անցնող նավերի համար և հանգեցրել է նավթի գների բարձրացման՝ մեկ բարելի համար 100 դոլարից բարձր։ Ըստ FT-ի՝ Պենտագոնը, առաջիկա օրերին, Սպիտակ տանը և Կոնգրեսին կներկայացնի մինչև 50 միլիարդ դոլարի լրացուցիչ պաշտպանական ֆինանսավորման պաշտոնական հայտ։
Սենատոր Լիզա Մուրկովսկին հայտարարել է, որ Պենտագոնը պետք է համագործակցի Կոնգրեսի հետ և կարողանա տրամադրել պահանջվող տեղեկատվությունն ու հիմնավորումը, քանի որ Մերձավոր Արևելքում ռազմական գործողության համար լրացուցիչ ֆինանսավորման ցանկացած օրինագիծ կարող է անհամաձայնության հանդիպել Ներկայացուցիչների պալատում և Սենատում: Ըստ թերթի կողմից մեջբերված իրավիճակին ծանոթ աղբյուրի՝ ԱՄՆ զինված ուժերը առաջիկա օրերին Կոնգրեսին կտեղեկացնեն ծախսված զինամթերքի քանակի մասին:
