Ամերիկայի Միացյալ Նահանգներն ընդլայնել է Ռուսաստանի դեմ պատժամիջոցները։ 13 ֆիզիկական և ավելի քան 30 իրավաբանական անձ ներառվել են սահմանափակող ցուցակում, ասվում է ԱՄՆ ֆինանսների նախարարության հայտարարության մեջ։ Տեղեկանում ենք РИА Новости-ից։
Սահմանափակումները չեն վերաբերում «ՖոսԱգրոյին», «Շերեմետևո» օդանավակայանին և «Եվրոքիմին»:
Բացի այդ, պատժամիջոցներն առնչվել են Մարիուպոլի վարչակազմի ղեկավար Կոնստանտին Իվաշչենկոյին, Խերսոնի շրջանի վարչակազմի ղեկավար Վլադիմիր Սալդոյին և նրա տեղակալ Կիրիլ Ստրեմուսովին։
Նշվում է, որ ԱՄՆ-ի նոր պատժամիջոցները տարածվել են երկու զբոսանավերի վրա, որոնք, իբր, կապված են ռուս անձանց հետ:
Վաշինգտոնը նաև վիզային սահմանափակումներ է սահմանել 893 ռուս պաշտոնյաների, այդ թվում՝ Դաշնային խորհրդի անդամների և զինվորականների և երրորդ երկրների 31 պաշտոնյաների նկատմամբ՝ Ղրիմի Ռուսաստանին միացմանն աջակցելու համար, հայտարարել է Պետդեպարտամենտը։
Սահմանափակիչ միջոցառումներն առաջին հերթին ազդել են բանկային հատվածի և բարձր տեխնոլոգիական արտադրանքի վրա։ Շատ բրենդներ հայտարարել են Ռուսաստանից դուրս գալու մասին։
Մոսկվան նման քայլերն անվանել է տնտեսական պատերազմ՝ նշելով, որ պատրաստ է նման սցենարի։ Կենտրոնական բանկը միջոցներ է ձեռնարկում արտարժույթի շուկայում իրավիճակը կայունացնելու համար, ինչի շնորհիվ ռուբլին զգալիորեն ամրապնդվել է դոլարի և եվրոյի նկատմամբ՝ գերազանցելով հինգ տարվա առավելագույն ցուցանիշները։
Ըստ աղբյուրի՝ Արևմուտքում սահմանափակումները հրահրել են վառելիքի և պարենային ապրանքների գների ռեկորդային աճ։
