Միացյալ Նահանգները մտադիր է վերանայել աշխարհում իր զինված ուժերը տեղակայելու ռազմավարությունը և պատրաստվում է վերաբաշխել ուժերը Հնդկախաղաղօվկիանոսյան տարածաշրջանում: Ինչպես տեղեկացնում է The Guardian-ից, այս մասին հայտարարել է ԱՄՆ պաշտպանության նախարար Փիթ Հեգսեթը։
«ԱՄՆ-ի կողմից պատասխանատու կլինի անընդհատ գնահատել մեր ռազմական դիրքավորումը, և հենց դա էլ մենք անում ենք», - ասել է նա հունիսի 5-ին Բրյուսելում ՆԱՏՕ-ի երկրների պաշտպանության նախարարների հանդիպման շրջանակներում կայացած ճեպազրույցում՝ պատասխանելով Եվրոպայում ամերիկյան զորքերի ներկայությունը կրճատելու հնարավորության վերաբերյալ հարցին։
Հեգսեթի խոսքով՝ Վաշինգտոնն «ունի միջանկյալ պաշտպանական ռազմավարություն»։
«Դա հստակ մատնանշում է, որ մենք կպաշտպանենք հարավային սահմանը և կփակենք այն, ի տարբերություն նախորդ վարչակազմի, որը թույլ տվեց, որ 21 միլիոն մարդ ներխուժի մեր երկիր։ Մենք 100%-անոց օպերատիվ վերահսկողություն կապահովենք դրա նկատմամբ։ Մենք նաև կվերաբաշխենք ուժերը Հնդկախաղաղօվկիանոսյան տարածաշրջանում և կվերականգնենք զսպումն այնտեղ», - ասել է Պենտագոնի ղեկավարը։
Նա ընդգծել է, որ «Ամերիկան չի կարող և չպետք է լինի ամենուրեք և մշտապես»։
«Կան պատճառներ, որոնցից ելնելով՝ մենք զորքեր ունենք որոշակի վայրերում, բայց մենք հասկանում ենք, որ նաև ողջամիտ է այդ ռազմական դիրքավորումը մեր դաշնակիցների և գործընկերների հետ վերանայել իրական ժամանակում՝ համոզվելու, որ ուժերն օպտիմալ են», - նշել է Հեգսեթը։
Վերադառնալով Եվրոպայում ամերիկյան զորքերի հարցին՝ նա հայտարարել է, որ չի ցանկանում առաջ անցնել ԱՄՆ նախագահ Դոնալդ Թրամփի որոշումից։
