ԱՄՆ բանակի ղեկավարությունը ցանկանում է արհեստական բանականություն (ԱԲ) ներդնել օդային գործողությունների կառավարման համակարգերում, գրում է Defense One-ի գլխավոր խմբագիր Նիք Ուեյքմանը։
ԱՄՆ բանակի տեղեկատվական հարցման մեջ ասվում է, որ արհեստական բանականությունը և մեքենայական ուսուցումը կարող են օգնել մարդկանց համընթաց քայլել անօդաչու թռչող սարքերի տարածմանը։
«Բանակը ձգտում է իրական ժամանակում վերլուծել բազմաթիվ աղբյուրներից ստացված տվյալները, կանխատեսել օդային տարածքի օգտագործման օրինաչափությունները և առաջարկել կանխարգելիչ գործողություններ՝ առաքելության անվտանգությունը, արդյունավետությունը և արդյունավորությունը բարելավելու համար», - ասվում է հրատարակության մեջ։
Նշվում է, որ ԱՄՆ ցամաքային ուժերը ցանկանում են իրական ժամանակում ստանալ մարտադաշտի իրավիճակի մասին տեղեկատվություն բազմաթիվ աղբյուրներից: Արհեստական բանականությունը կարող է օգնել բարձրացնել էլեկտրոնային պատերազմի (ԷՊ) նկատմամբ դիմադրողականությունը, ինչպես նաև ինտեգրել անօդաչու թռչող սարքերի օգտագործումը և օդային տարածքում ներդնել ինքնավար հարթակներ:
