ԱՄՆ-ի կողմից Իրանի վրա հասցվող հարվածները «ռեժիմի փոփոխության» համար չեն, հայտարարել է Պենտագոնի ղեկավար Փիթ Հեսգեթը։
«Սա այսպես կոչված ռեժիմի փոփոխության պատերազմ չէ, բայց ռեժիմն անկասկած․․․
Այնուամենայնիվ, նախագահ Դոնալդ Թրամփը կողմ է արտահայտվել ռեժիմի փոփոխությանը։
Հարվածներից հետո իր առաջին մեկնաբանություններում նա ուղղակիորեն դիմել է Իրանի ժողովրդին. «Ամերիկան սատարում է ձեզ իր ճնշող ուժով և կործանարար հզորությամբ: Այժմ ժամանակն է տնօրինել սեփական ճակատագիրը և բացահայտել բարգավաճ ու փառահեղ ապագան, որը ձեր հասանելիության սահմաններում է», - հայտարարել է նա:
Նրա պնդմամբ՝ ԱՄՆ-ը «չի սկսել պատերազմը», այդ Իրանն է տասնամյակներ շարունակ հարձակումներ իրականացնում «Ամերիկայի դեմ միակողմանի պատերազմում»։ «Մենք չենք սկսել այս պատերազմը, բայց նախագահ Թրամփի օրոք մենք այն ավարտում ենք», - հավելել է Հեգսեթը։
Հեգսեթը նաև նշել է, որ Իրանի դեմ պատերազմը համեմատելի չէ Իրաքի պատերազմի հետ՝ հավելելով, որ Միացյալ Նահանգները չեն հայտնվի նույն թակարդում, որում հայտնվել էին երկու տասնամյակ առաջ։
«Սա Իրաքը չէ», - ասել է Հեգսեթը։ «Սա անվերջ չէ։ Երկու գործողությունների ժամանակ էլ ես այնտեղ եմ եղել։ Մեր սերունդն ավելի լավ գիտի, և այս նախագահը նույնպես։ Նա անվանել է վերջին 20 տարիների պատերազմները [անիմաստ], և նա իրավացի է։ Այս գործողությունը վճռորոշ առաքելություն է, որն իրականացվում է հրթիռային սպառնալիքը և ռազմածովային ուժերը ոչնչացնելու համար՝ առանց միջուկային զենքի կիրառման»։
